اؤرگیم دولوبدور آلله نیلییم ؟
غربتده قالمیشام حسرتدیم من
دوستلاردان اوزاقلیق چوخالدیب غمیم
غربتده یاشییب کثرتدیم من
قل الحق من ربکم گؤرنده
ومن شاء فلیؤمنی بؤلنده
بئس الشراب اول سائت ده اؤلنده
باخماییب ایچمیشم حسرتدیم من
ایندی جوانلیقیم گئدیری بوشا
دوغرو سؤزلریمی چه کیرلر حاشا
بوردا ظولوم ائلیر قارداش قارداشا
تعبیدده یاشییب کسرتدیم من
و من تاب و عمل صالحا
دییب یتوب الی الله متابا
چوخی اؤز اوره گین وئردی اللاها
گولمه زم بو ایشه حسرتدیم من
بهمن محيطي(گولمه ز)
موضوعات مرتبط: غربت و غریبی
اللش چالیش مردله یولداشلیق ایله
نامردین جامینا ديندن اولما
بیرگون اولار گلر چالار باشینا
ناکسین چؤرگین ییندن اولما
بیری پیس دانیشدی دوتاسان اوزه
دوتماسان دالینجا مین لر سؤز اوزه
دانیشیما بیریچون چیخاجاق اوزه
بیر کیمین دالینجا دییندن اولما
بسدیر داها <<گولمه ز>> بئله دئمه سن
کیمینین اوستونده کیمنن یمه سن
هرکیمین الیندن تیکه یمه سن
ذیلت لیباسیندا گییه ندن اولما
گولمه ز
موضوعات مرتبط: پندواندز ( نصیحت لر )
اي گوزل ســـــــــرو روانيم سنه قربان كسرم
سايه سالســـــان بو گوزل گولشنه قربان كسرم
ايلده بير دفعه دي قربان گوني اما ســــــنه من
گونده اون مرتبه كسسم گنه قربان كســـــــرم
هاشـــــمي خالوه مستانه باخــــــــيش گوزلروه
باغ حســـــــنونده گلــه سوســـنه قربان كسرم
نولار اي يوسف زهـــــرا ائده ســن لطف و كرم
ال يتورســـــــم او گوزل دامـــــنه قربان كسرم
انتظـــــــــــار فرجوندي آقــــا جان شيعه لرون
قويما هـــــجرونده گلاخ شــــيونه قربان كسرم
مسجد سهله ده سن كوفه و يا مكه ده ســــــــن
يا بقيعده ديوسـن واي ننه قربــــــــــان كسرم
هارداسان بولمورم احســــــان ائله بو شـيعه لره
ايلـــــه بير ذره توجه منه قــربان كســــــــرم
نئــــــجه جدون يخلوب عشق مناســــينده دئدي
منده بو جانــــــــي حق ذوالمنه قربان كســـرم
اوخ اوخ اوســــتن دگه بو گــل بدنه اوخ دئمرم
دوست اگر راضيدي من دشمنه قربان كســــرم
وئرمــــيشم بيعت الين اللــــــهيما روز الســـت
عشــــــــــقه باخ بو الي اهريمنه قربان كسـرم
عشقمون لنگريني سـاحله چاتديرســــــــــام اگر
كشتي عشق يتر ايمنه قربان كســــــــــــــرم
وئرميشم يتميش ايكي عـــــــشق مناسينده فدا
مين بئله جانيمي بير احــــــسنه قربان كســرم
من( كريـــــمي ) بو تمنــــاده وارام قبر ائويمه
كربـــــلادن آچـــــــالار روزنـه قربان كسرم
استاد حسين كريمي مراغه اي
اُولدوم غریب ، آمّـــا اورگــیم قـــالدی وطـن ده
قوش یاتسادا کول کوسدا ؛ یئنه فیکری چمن ده
یـــالقوزلادیم اؤلدوم گَلَنیم گلمـــه دی !! گَلســـه
لابد اود آلار سور سوموگوم شئـــــه لی کفن ده
بیر تَر گولیـــدی من گوره لی عشقیـــده مجنون
تیکان ایله اتگی دولدو یازیق چولده گــــزن ده
یـاندیم کوله دؤندوم ؛ سنون عشقــونده عزیزیم
ویرمــا سنـــی تـــانری کولومی بیـــــرده سَرَنده
بیر گوزگویه اوخشـــاتدی منی ایسراقا گون یار
بیر آه چــــکندن سورا جـــان قالمــــادی من ده
چوخ ايستيــــورم بیر اوزومـــه باش ویرام امّـا
باش منده دي بوينونداكي اوچ قــــات ایپی سنده
چالدی قانادین گوز یاشینـــا کیپریگیم آخشـــــام
بیر قوش کیمی داشـلـــی بولاقین ایـچره چیمنده
چوخ یاره ویروبســـان منه امّــا بیله سن کاش
چوخ معنــی تاپار یــــاره یِئری زخمی گَــوَن ده
حسین قلیزاده
موضوعات مرتبط: وطن ، غربت و غریبی
ناماز اوستونده منیم چون الی قرآنلی آنام
یر اوزونده سنه تای هرنه دولاندیم یوخدور
سنه تعظیم ائله مک حالدا نه وار جانلی آنام
کعبه زوواری اولانانلار اگر الله چاغریر
من نماز اوسده دئدیم ای منه سهمانلی آنام
کائناتی یارادان سنده کماله یتیریب
بلکه الله دا دئیر یرده سلیمانلی آنام
وارلیقونان یاناشیر هرنه یارانمیش البت
کیم اینانمیر بوسوزه اولسون اوز قانلی آنام
یر اوزونده دئمیشم چیلخا محبتدیر آدین
اودی یول آشماداسان جنته ایمانلی آنام
ایستیرم(ائلچی)کیمین شکلووی بیر بت دوزلیم
سحر آخشام گوتوروم قوینوما جیرانلی آنام
ائلچی
موضوعات مرتبط: مادر ( آنا )
آی گوزوم؛ اودلي کؤزوم؛ آی یوخوسوزلار آناسی
ای یانــان شمعــی لرین تاجــي پاریـــلدار لالاسی
ياز مئهیندن بتــر اولـدون بوگئـــجه ياغ هلهلیک
سن ياغيرسان بیلیرم ساغدي ياغيشـلار بالاسي
دئدیلر سئل سالاجاقسان ئوزومه سال گؤرهسن
دره یه طــــعنه وئرار ئوزده قیریشــلار چولاســـی
آی یار آی یار گئدیسن باخگینان آردینجا گلیر
اتگــــیمده اورگـــیم الده ده سیــــزلار یــــاراسـی
باخ گيـــــلان گؤزلریوین دردين آلـيم گــــوزلريـــمه
يئري وار بيرده ديَه نرگــــيسه شهـــــلا قـــاداسي
بیلــــسه کارون نه دن آغلــیر گؤزومون ایچره آراز
یالوارار بلکــــه اولا یـــــانداکی آغـــــلار خولاســی
نئجه من تیترهمهییم عشقـين الينـــدن بو گئــــجه
يئنـــه بير - بير بيز اولوب توكلـريمين آق قاراسـي
او قــدر قوندو اوچوخ فیکریمـــه ای یار خیالون
من دیدیم فیکر ائدیسن باشیم اولوب قوش قایاسی
گلگــــیلن بیـــــرده گــزک توز بورویــن یوردومـــوزو
ای گوزوم سن بولاق اول منده اولوم داش قالاسي
گلــــگیلن بیرده سوپور کیپریگین ایله یولــی سن
تا گلــن لر گؤرهلر واردی تیکـــان سیز جــاداسی
نه دئییم؟ ، هانسی غمیـمدن دانیشیم ای یازیـلار؟
آز قــــــالیر آغزیمــــا گلــسین بو جییرلر پاراســــی
هیچ ناغیل سالمــــادی قورخو جانیمــــا عـمـرومده
آیریلیق ایندی اولوب عشقیــــمه دامدا باجــــاسی
حسین قلیزاده
موضوعات مرتبط: پندواندز ( نصیحت لر ) ، واقعیت ها (اولاجاق )
بیر ساغالماز یارادیر كیمسه ده وار یار یاراسی
گزر هیئت لری كی دردینه درمان تابسین
دولانار سینه ویرار آغلیار آرتار یاراسی
قاناتی سینمیش اگر قوش گورن اولسا سوروشون
آلتی آیلیق بالانین بوینونا اوخشار یاراسی
عاشقین دردینه درمان اولا حاشا گوزلیم
نیزه لر دءیدیگیجه سیری دی توخدار یاراسی
اوغلی اولموش آنادیر منده اولان جوت ایكی گوز
آلا گوزلردن ایراق (ائلچی)سیزیلار یاراسی
ائلچی
موضوعات مرتبط: پندواندز ( نصیحت لر ) ، عاشیق لار شعری
مهدي اي طاها گلي ، زهرا بالاسي ، هارداسان
يوخدي هجــرانه دوزوم جانا قوتار هجرانووي
گل مريض عشقووَم،دردلر دواسي ، هارداسان
وصفوه عاجزدي حالـــيم اي گوزلّردن گوزل
بـارگـاه حسنـده، ديلـر صفـاسي ، هـارداسان
بارش باران رحمت ، گـوز ياشوندا ، مهديـا
گوزلرون قرباني اي گوزلر ضياسي ،هارداسان
اي وجــــودي خلقته باعث ايا صاحب زمان
اي حسينين باشينين، ني ده نواسي، هارداسان
اي آچان نيلين يولون موسي ايلين اصحابينه
کربلانون آچ يولون ، ديل کربلاسي ، هارداسان
خالووه قربان ، اگـــرمين يوسف کنعان اولا
آزدي،اي ارض و سماء،خالون فداسي،هارداسان
اي خدانون جلوه گاهي ، اي علينون دلبري
معــــــــني آيات حقّين انتهاسي ، هارداسان
شوکتيم، شأنيم، جلاليم، اي اميديم، اي نگار
غربتيم وار، عبدووَم ، عزّت خداسي ، هارداسان
خم غمينن جاميمي دولدور،غمون محتاجيم
سائلم غم خانوه ، غــــم مبتلاسي ، هارداسان
هرگئجه گوندوز ،دالونجا ،کاتب عشقون ملر
قويما، چوخ محزون اولا ،دل آشناسي،هارداسان
شعر:کاتب
موضوعات مرتبط: درفراق امام زمان عج
گؤزلریم نوری ایکی عالمده یاریم هارداسان
باغریمی قان ایلدی آجی فراقون گل ایرش
ای لبون وصلی شراب خوشگواریم هارداسان
فرقتون دردی منی گؤر کی نه مجروح ایله دی
ای گؤزی نرگس حبیب گولعذاریم هارداسان
صبری یغمالدی شوقون قراریم قالمادی
ای منیم آرام صبریم بی قراریم هارداسان
ایله دی عشقون منی قلخان ملک تیرینه
ای گؤزی قاشی بیلیک لی شهریاریم هارداسان
تا اوزون شوقوندان ایراغ اولموشام پروانه تک
یانیرام لیل و نهار ای نور و ناریم هارداسان
قاتی موشتاق اولموشام زلف و غذارین بویونا
ای اوزی گلشن ساچی مشک تاتاریم هارداسان
سندن آیری کونلومه یوخدور وفالی یار دوست
ای جفاسیز حسن کامل یار غاریم هارداسان
هجرون اوخی دلدی بو شوقونده یانان باغریمی
صورت و معنیده ای چابک سواریم هارداسان
بادایلن گؤندر ساچین بویین منه هر صبحدم
ای کی یاندیم گئچدی حددن انتظاریم هارداسان
یار اوچون هر گوشه ده مین دیو اولور دشمن منه
ای سواد اعظم و محکم حصاریم هارداسان
عاشیقین جنات عدنی چون جمالون وصلیدیر
ای شراب کوثریم گئتمز خماریم هارداسان
چون نسیمی دور بوگون ایام عشقین خسروی
ای شکر لب یار شیرین روزگاریم هارداسان
عمادالدین نسیمی
موضوعات مرتبط: درفراق امام زمان عج
بو گئجه من اؤله جم، قالمياجام صاباحا.
بئله هيجران گئجه سي گؤرميه جم بير داها.
سني بو گوندن بري تاپشيريرام آللاها،
گون گله جك غرورون گؤزلريندن آخاجاق،
منه بو ائتديكلرين سنه چوخا باخاجاق.
صاباحا دك جوجرر مزاريمين باش داشي،
قال ياشا سن دونيادا ايبليسلرله ياناشي.
نانجيبين اؤنونده تؤكدوغون او گؤز ياشي،
مني مزاريمدا دا يانديراجاق-ياخاجاق،
منه بو ائتديكلرين سنه چوخا باخاجاق.
بو گئجه من اؤلورم اليم قالير ياخاندا،
ديكسينمه سين گؤزلرين گؤزلريمه باخاندا.
عاصي روحوم سكسه نيب بدنيمدن چيخاندا،
بير طوفان قوپاجاقدير، بير ايلديريم شاخاجاق،
منه بو ائتديكلرين سنه چوخا باخاجاق.
نه مدتدير اوره ييم الينده زيندان چكير،
زلي كيمي بو سئوگي داماريمدان قان چكير،
دئميرسن كي بو يازيق نئچه ايلدير جان چكير،
سانيرسانمي دؤشونه بيري مئدال تاخاجاق!؟
منه بو ائتديكلرين سنه چوخا باخاجاق
فرزانه
موضوعات مرتبط: عاشیق لار شعری ، غربت و غریبی
اؤلدور منی ای غم ، سنــــی الله نازا قؤیمــــــــا
پائیزلامیشـــــــام بیـــرده قراری یازا قؤیمــــــــا
اَلده ئورگیــــم زخمـــــی گؤئَرچین کـیمـــی تیترَر
تیمــــــاریمی بیر دردیـــــلی کفتر باز ا قؤیمــــــا
نفتی قوتـــاریب زندگیــــمین ، سؤنمَه لی یم من
یاندیر قوتـــاریم پیلــته می بوندان آزا قؤیمــــــا
ظلــمت گئجه لر چوخ آیــــــــا یالواردیم ئورکدن
آی آی ، ســنی تاری گونومی گل نازا قؤیمــــــا
چوخ غملـی چالیرســــان منی سن خســته مغنّی
کونلوم اودونـی زخــــمه اَلی لن ســـازا قویمــــــا
من ؛ اردبیلــین شاخـتا کــــــسن سَرویَم اِی غَم
کارون گؤزومی اَلدَن آلوب اَهوازا قؤیمـــــــــا
تبریزده ایاقـیم ایلــیشیب ؛ یوخ یولا شؤقـــــــیم
سن دوت فالیمی ؛ قؤیما گئدَم شیرازا ؛ قؤیمــا
تندیر کیمـــی یاندیم اؤد ایـچینده ؛ کؤزه دوندوم
گل یاپ چورگون ؛ ایستیمی یاد خبّازا قؤیمــــــا
ایندی گؤروسن جان وئریرم تک لیــــگ الــیندن
مَنلَن دانیشورسان ؛ سؤزووی ایجازا قؤیمــــــا
قانماز !! اَجَل عشقین سوزونی ؛ شرح وئرم من
اولدور منی ای غم ؛ ایشینـی قانمــازا قؤیمــــــا
حسین قلیزاده خلخال
ماه کنعانین باتیب، ای پیر کنعان، غم یئمه!
تا گلستانین اولوبدور بیت احزان، غم یئمه!
ای دل محنت زده، اول شاد، لبریز سرور
کسب نامردی قیلار افکار وجدان، غم یئمه!
اولمادی مقصودیمیزجه دور چرخ کج مدار
قالمالی دیر بئیله حالت اوزره دوران پایدار:
قسمتیندیر، ائتگیلن هم روز و شب ناله، زار
ای رعیت، ای فقیر و فعله، دهقان، غم یئمه!
صبح تئزدن دور آیاغا، شامه تک چک زحمتی
گوجلولردن ده ائشیت هر نوع فحش و تهمتی
سن ذلیل اول، عیبی یوخ، قوی گوجلو چکسین لذتی
قوی سنی خوار ائیله سینلر خان و اعیان، غم یئمه!
ایشله قوی قدین بوکولسون، ایشله، آلنین ترله سین!
ایشله، آج قال، آج بهایم تک عیالین چرله سین
ظلمدن فریاد و دادی قوی دیلین ازبرله سین
غارت ائتسین روزینی ملا و بگ، خان غم یئمه!
چک گیلن عمرون چاتینجا، بینوا، آه و فغان
بئیله پنهان سرّیلر اولماز سنه هرگز بیان
ملا نصر الدین، «لسان الغیبه» اولدون ترجمان
روح پاکندیر سنین هر دم ثنا خوان، غم یئمه!
میرزه علی اکبر صابیر
موضوعات مرتبط: پندواندز ( نصیحت لر ) ، غربت و غریبی
ﺍﻭﻟﻮﻛﻰ ﻫﻮﺵ ﺁﭘﺎﺭﺍ ﺑﻴﺮﺩﻩ ﻗﻮﺟﺎﻏﻴﻨﺪﺍ ﺁﻧﺎ
ﻣﻨﻰ ﻛﻪ ﺳﻴﺨﺪﻯ ﻓﻠﻚ ﺍﻭﺯﮔﻪ ﺑﻮﺟﺎﻏﻴﻨﺪﺍ ﺁﻧﺎ
ﺑﻴﺮ ﻳﻬﻮﺩﻯ ﺍﺋﻮﻳﻨﻴﻦ ﺗﻮﺯﺩﺍ ﺍﻳﺘﻦ ﻗﺮﺁﻧﻴﻴﺎﻡ
ﺍﻭﺧﻮ ﻋﺸﻖ ﺁﻳﻪ ﺳﻰ ﻧﻰ ﺑﺎﺭﻟﻰ ﺩﻭﺩﺍﻏﻴﻨﺪﺍ ﺁﻧﺎ
ﻣﻨﻰ ﺩﺋﻮﻟﺮﺩﻥ ﺁﻟﻴﭗ ﺑﻴﺮﺩﻩ ﭘﺮﻯ ﻟﺮﺩﻩ ﻳﺎﺗﻴﺮﺩ
ﺷﻴﺮﻳﻦ ﺍﻓﺴﺎﻧﻪ ﻟﺮﻳﻦ ﺳﺤﺮﻳﻠﻰ ﺑﺎﻏﻴﻨﺪﺍ ﺁﻧﺎ
ﺍﻭ ﺍﻳﺸﻴﻖ ﻳﻮﺥ ﻧﻪ ﻗﺪﺭ ﺷﻬﺮﻯ ﭼﺮﺍﻏﺎﻥ ﺍﺋﺪﻩ ﻟﺮ
ﮔﻮﺭﻣﻮﺷﻢ ﻃﻮﺭ ﺍﻭﺩﻭﻧﻮ ﻻﻣﭙﺎ ﭼﺮﺍﻏﻴﻨﺪﺍ ﺁﻧﺎ
ﺍﻭﺭﻩ ﮔﻴﻢ ﻗﻴﺰﻣﺎﺩﻯ ﺫﺭﻩ ﺑﻮ ﺳﻮﻳﻮﻕ ﻗﺎﻧﻠﻰ ﻻﺭﺍ
ﺍﻳﺴﺘﻰ ﻟﻴﻚ ﻗﺎﻟﺪﻯ ﺳﻨﻴﻦ ﻫﻴﺴﻠﻰ ﺍﻭﺟﺎﻏﻴﻨﺪﺍ ﺁﻧﺎ
ﺍﻭﺭﻩ ﮔﻴﻢ ﺑﻴﺮ ﺗﻴﻜﻪ ﺩﻯ ﮔﻠﺪﻯ ﺳﻨﻰ ﮔﻮﺭﻣﻚ ﺍﻭﭼﻮﻥ
ﭼﻴﺮﭘﻴﻨﺎﻧﺪﺍ ﺷﺎﻓﺎﻏﻴﻦ ﺳﺌﻮﺟﻰ ﺑﻮﻻﻏﻴﻨﺪﺍ ﺁﻧﺎ
ﻗﺎﺭﻳﺸﻴﺒﺪﻳﺮ ﺍﻭﺣﺰﻳﻦ ﻣﺎﻫﻨﻰ ﻻﺭﻳﻦ ﺍﺕ ﻗﺎﻧﻴﻤﺎ
ﻧﻰ ﻗﺎﻻﻥ ﺗﻚ ﻗﻮﺯﻭﻧﻮﻥ ﻛﻮﺭﭘﻪ ﻗﻮﻻﻏﻴﻨﺪﺍ ﺁﻧﺎ
ﻃﺒﻌﻴﻢ ﻋﻴﺴﻰ ﻛﻴﻤﻰ ﺩﻳﻠﻠﻨﻤﻪ ﻳﻪ ﺍﺋﻴﻠﻴﺮﺩﻯ ﻫﻮﺱ
ﺩﻳﺰ ﭼﻮﻛﻮﺭﺩﻭﻥ ﻛﻰ ﺍﻭﻟﻮ ﺗﺎﻧﺮﻯ ﻗﺎﺑﺎﻏﻴﻨﺪﺍ ﺁﻧﺎ
ﻋﺸﻘﻰ ﺍﻗﺒﺎﻟﻰ ﺍﻳﭽﻴﭗ ﺳﺎﺧﺴﻰ ﺳﻬﻨﮕﻴﻨﺪﻩ ﺍﻭﺩﻭﺭ
ﻛﻰ ﻣﻠﻚ ﻟﺮ ﺳﻮ ﺍﻳﭽﻴﺮ ﭘﺎﺳﻠﻰ ﭼﺎﻧﺎﻏﻴﻨﺪﺍ ﺁﻧﺎ
ﺩﻛﺘﺮﺍﻗﺒﺎﻟﻲ
موضوعات مرتبط: مادر ( آنا )
دوستلار گوروشونه آنا یوردومدان
کونول بوقچاسیندا سوز گتیرمیشم
ادب باغچاسیندا سولماز گوللره
آراز کیمین آغلار گوز گتیرمیشم
دالغالی دنیز تک جوشوب چاغلایان
ائلر یاراسینی آچیب باغلایان
چئوریب بولودا قان یاش آغلایان
شعریزه بیر چیمدیک دوز گتیرمیشم
موضوعات مرتبط: وطن ، عاشیق لار شعری
ادامه مطلب
چوخ کچمیشم بو داغلاردان
دورنا گوزلی بولاقلاردان
ائشیتمیشم اوزاقلاردان
ساکت آخان آرازلاری
سینامیشام دوستی، یاری ...
ائل بیلیرکی، سن منیمسن
یوردوم، یووام، مسکنیمسن
آنام، دوغما وطنیمسن!
آیریلارمی کونول جاندان؟
آذربایجان، آذربایجان!
موضوعات مرتبط: آذربایجان ، عاشیق لار شعری
ادامه مطلب
بیر صداقت اهلی مین اهل ریادن یاخشیدیر
هانسی گول دیر حسنده سندن گوزهل دیر، سئوگیلیم
هانسی بولبول عشقده من بینوادن یاخشیدیر
قاشلارین چرخین هلالیندن، اوزین خورشیددن
صورتین آیینهی گیتی نمادن یاخشیدیر
بیر داها خالین گوزهللیک آرتیریر رخسارینه
بیر غلط سوزدیر دمیشلر ، آغ قارادان یاخشیدیر
گوزلرین صحرای چین آهولریندن دل فریب
عنبرین گیسولرین مشک خطادن یاخشیدیر
صحتی بیمار، عشقین کعبهی کویندهدیر
اهل درده خاک راهین توتیادن یاخشیدیر
مین بلا طوفانی، قوپسا، ذره گلمهز عینیمه
رخنه گورمز هر بنا کیم ابتدادن یاخشیدیر
جاهله تبلیغ عرفان ایلهملک آسان دییل
دیدهی خفاش ایچون ظلمت ضیادن یاخشیدیر
واحد،انصافاً دسین تبریزده دوستوم اعتماد
گنجلرده هانسی شاعر «بیریادن» یاخشیيدير
موضوعات مرتبط: پندواندز ( نصیحت لر ) ، واقعیت ها (اولاجاق )
سنسیز دونیا ویران اولسون یوخ اولسون
سنسیز دونیا اورگیمه اوخ اولسون
سنلن ولی هرنه اولسا چوخ اولسون
سنلن دیوم سنلن گولوم آغلیوم
گل بیر بیزه من ایوده تک قالمیوم
سنسیز گوروم چرخ فلک دایانسین
سنسیز لاله باغریم قانه بویانسین
سنسیر منیم جوان عومروم قوجالسین
سنلن گوروم دونیا بویی وارام وار
سن اولماسون کیمیم واردی هارام وار
سنسیز یولوم هئچ دیاره دوشمسین
اغلار گوزوم قانیاش توکسون گولمسین
نامرد الی گوزوم یاشین سیلمسین
سنسیز ئولسم غسل ویرن اولماسین
قبریم اوسته بیگانه لر قالماسین
سنسیز ئولسم قبره قویان اولماسین
نعشیم اوسته ساچین یولان اولماسین
سنسیز مندن عزراییل جان آلماسین
بیلسون سنی تا نفس وار گوزلرم
سن گلمسون ئولسم ده من ئولمرم
موضوعات مرتبط: عاشیق لار شعری ، غربت و غریبی
غربتده قالدیم ای عزیزیم سن منه یار اولمادین
سینه لر چاک ائیله ین دردیمه غمخار اولمادین
چوخ چالیشدیم دردیمی اغیاریدن پنهان قیلام
چون سن منیم چون نازلی دلدار اولمادین
ناله و افغانیمی گویلرده توتماز ای گولوم
بیر سن دخی نالم له بیدار اولمادی
افتخار اولماز سنه جور و جفالر پیشه سی
جوردن یار اوسانیب بیر دم ده بیزار اولمادین
حالینی بیگانه لردن سورماخ منه عاردیر ولی
ای عزیزیم سنده من تک عشقه بیمار اولمادین
گوناه دیر کی منیم چون درمانین اولمور ای طبیب
قیلدیغین تجویزلرله سنده بیر کار اولمادین
جایماز ، چوخ آغلاما گئت آل اجل دن سن پای ین
چون بو زار احوالی له فکر شب تار اولمادین
جايماز
موضوعات مرتبط: عاشیق لار شعری ، غربت و غریبی
قالميشام غربتده حيران ، زار و گريان ، نئيله ييم
خسته ي رنجور و بيمار و پريشان ، نئيله ييم
اولموشام درده گرفتار و غمينده آغلارام
گرچي دؤران دولانير هر لحظه چوخلار رايينه
تا كي وصليندن جدا دوشدوم ، دمي خوش اولماديم
ائتدي هيجرين مني هر لحظه گريان ، نئيله ييم
بيلميشم صبح وصالين قدريني شام فراق
ليك يانديردي مني درد ايله هيجران ، نئيله ييم
گرچي پنهان ائيله دين مئهرين فضولي كؤنلومه
كؤنلومون شهري غميندن اولسا ويران ، نئيله ييم
شاعر:فضولي
موضوعات مرتبط: غربت و غریبی
قوجا قارتال نه گزيرسن
داغلار قوينوندا قوينوندا؟
بالا گوردوم آناسينين
آغلار قوينوندا قوينوندا
نييه قلبين قاراليب دير؟
گول اوستونو خار آليب دير
شامامالار ساراليب دير
تاغلار قوينوندا قوينوندا
بير حكيم يارا باغلايير
بير حاكيم سينه داغلايير
باغبان گوردوم قان آغلايير
باغلار قوينوندا قوينوندا
آزافلي ياز ديله گلمز
اوچدو بولبول گوله گلمز
گئچن گئچدي اله گلمز
چاغلار قوينوندا قوينوندا.
ميكائيل آزافلي
موضوعات مرتبط: عاشیق لار شعری
هر زامان كي باخيرام باشينا قار وار گورورم
اوغلو اولموش آنا تك گوزلرين آغلار گورورم
هر طرفدن چكيليب سينه وه داغلار گورورم
آي آلان اوستونو غم چيسگيني هرياني دومان
آي ياغان باشينا غملر اودو ياسلي ساوالان
گورموشوك يازلاردا كوچكلرده چيچكلر آچيلار
هر طرفدن چمنين سينه سينه گول ساچيلار
ماهنيلار قوشماغا باشلار يئنه ده قوشماچيلار
ياز گليب گئتدي يئنه گولمه دين اوچ آيدا بير آن
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
قرينلر كئچدي سنين گولمه دي بير لحظه اوزون
قانلي ياش توكدو سارالميش اوزونه ياشلي گوزون
غصه دن دوندو قارانليق گئجه اولدو گونوزون
نه سوران حاليني اولدو نه ده بير ياده سالان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
آند وئريرم سني او قانه بلنميش داشيوا
گئجه گوندوز او گوزوندن توكولن قان ياشيوا
اورگين درديني بيلدير او سهند قارداشيوا
سني وارليق سني تانري سني بو آه و فغان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
سالارام ياديما بير لحظه او كئچميشلريوي
توكولن سنگ جفا ائيله او دور ديشلريوي
ايزلرم بيربير او حيرت يارادان ايشلريوي
هاميدان من سنين احوالينا آرتيق نيگاران
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
ساكيت اول آغلاما قوي بيرجه چكيلسين بو دومان
گون چيخيب ظولمتي بير يوللوغا قووسون بورادان
"نبي" گلسين "بوزآت" اولسون يئنه داغلار آتيلان
"هجرين" بلكه ييغيلسين گوزو يولدان آناجان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
سوندوره بيلمدي گوز ياشين اوركدن اودووي
چاغيريم قوي كومك ائتسين سنه اوز اولاديوي
ايفتيخاريله بوگون ذيكر ائده رم پاك آديوي
مرد اوغوللار بئجريب خلقينه شهرت قازانان
آي آلان اوستونو غم چيسگيني هرياني دومان
آي ياغان باشينا غملر اودو ياسلي ساوالان
بابكين گئتديسه بوش قالمادي آمما قوجاغين
دولودور مين ائله اوغلانلارلا هر بوجاغين
نه قدر يئل اسه طوفان قوپا سونمز اوجاغين
آي بلالر سپري خلقه يامان گونده آمان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
چنلي بئلده "ده ليلر" قوي يئنه قورسون بوساطي
"قوچ كور اوغلو" يئنه جولانه گتيرسين قير آتي
هئچ زامان اصلين ايتيرمز او كي دوزگوندو ذاتي
آند اولا آديوا آي گوزلري آغلار ياشي قان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
بابالاردان بيزه قالميش بو مثل هاممي بيلير
سو گلن آرخا دئييبلر يئنه بير گون سو گلر
فلكين داش اوره گين داش اوخو آخيردا ده لر
"بارز" اوغلوندا يئتر سئوديگي ياره او زامان
آي آلان اوستونو غم چيسگيني هر ياني دومان
آي ياغان باشينا غملر اودو ياسلي ساوالان
عباس اسلامي "بارز"
موضوعات مرتبط: سبلان (ساوالان )
سئويرم داغ دره وي،بت بره وي، جانلا تنيم تك
قارا آغلي،قاراداغلي،قاراباغلي،وطنيم تك
آي بوتون وارليغي گويچك
ده لي وورغونلارا باش چك
آي طبيعت گوزلي،چوخلو گوزلليكلر گوزو سنسن
هم شيرين يازلي شيرين نازلي باخيشلار سوزو سنسن
نه بيليم بلكه ده دونياده بهشتين اوزو سنسن
كوثرين چشمه سي درياچه وه باغلي
اته گين سبزه لي باغلي
گوللرين خوللو بوداغلي
گوز باخار كن باخيشيملا اوپورم آل ياناغيندان
خضرتك آختاريرام آب حياتي بولاغيندان
وارليغين شهديني بلكه امم او گول دوداغيندان
چكمه رم ال آياغيندان
قوپمارام هئچ قوجاغيندان
اولو سولطان ساوالان داغلار آرا توت اوجا باشين
نئچه ميليون ايلي آيديندي قويوبدور گئري ياشين
آچيق آلنين قيريشيب سا آغاريب باش ايله قاشين
يئنه سايميردي تلاشين
چوخ دوشوب باشلارا داشين
حورمتين وار ائل آرا بيزلره سولطان بابا سنسن
اوز قوچاقلارينا يول گوسترن آغشين خوجا سنسن
دده قورقودلو او سكسكن بير ائلاته آتا سنسن
ديللرين ازبري ائللر آرا سنسن
بوللو درده چارا سنسن
شاعر: بولوت قاراچورلو
موضوعات مرتبط: سبلان (ساوالان )
بويارانين من آچيم هاردان هاراسين ساوالان؟
ياسا باتدي ساوالان كيم دئدي ياسدان چيخاجاقسؤيوب آغ كوينگيني گئيدي قاراسين ساوالان
دينديريرسن كيمي قان آغلييا فرياده گلير
ساخلييا بيلمه دي سئللرده ساراسين ساوالانبير عؤموردور نظريندن مني سالميش نه دئييم؟
قئوريلان تئللريمي ، گؤرمه داراسين ساوالاناؤزگه لرله قؤنوشوب سالدي گؤزوندن مني ده
نئيله ديم منله ووريب ، يارين آراسين ساوالان
ائللرين سن سن حكيمي گؤزوم اووجوندا سنيندرديمين يالواريرام اييله چاراسين ساوالان
«ساوالان قارتاليني»ايئلميسن ائل داياغيسينه دن غملريني گلسين آراسين ساوالان
شاعير:آقاي درويش
موضوعات مرتبط: سبلان (ساوالان )
اوزده گولوشوم وارسا کونول قاندی سهندیم
یاسلی اوره گیم اود توتوب اوتلاندی سهندیم
سنسیز منه دونیا قارا دوستاقدی قفسدی
سنله یانار اودلار یاشیل اورماندی سهندیم
یازدین سازیمین سوزلرینی گوجلی ده یرلی
دونیا بو گوزه ل مکتوبا حیراندی سهندیم
قوربتده قالان شهریاری اولکه یه گتدین
یازمیش سهندیه نی آدلاندی سهندیم
ضالیم لره بابک سایاقی قارشی دوروبسان
دونیا ایگید اینسان لارا زیندان دی سهندیم
یالقوزلوغا دوزدون ائلوین خالقینا خاطیر
اود یوردی سنی اوز بالاسی ساندی سهندیم
آیری دیله ساتمیش اونودان اوز دیلین ایندی
ساتقین سوزونه بوشلوقا آلداندی سهندیم
آی سیز گئجه لردن منی قورتار دا بئزیکدیم
تورک ائللر ایچینده آدین اسلاندی سهندیم
قالماز بولوت آلتیندا گونش دونیادا هئچ واخت
سونمیش ساوالان گور نئجه وولقاندی سهندیم
شعر:آراز آیدین
موضوعات مرتبط: سهند
باغریم قان ائدن فرقت دلدار وطن دیر
غربت نه قدر خوش گئچه غربتدی غریبه
جنٌت دئدیگین صحنه ی گؤلزار وطن دیر
مندن سوروشان اولسا کی باغرین نیه قاندیر؟
آغلار دئیه رم منکی گرفتار وطن دیر
لقمان دیریلیب گئلسه نیه چاره ائدنمز
بیر خسته ی مهجوره کی بیمار وطن دیر
جان نقدینه هر یئرده خریدار تاپیلماز
بیر یئر کی آلارلار اونو بازار وطن دیر
هر سینه وطن عشقینه آتشکده اولماز
قوربان او دل زاره کی غمخوار وطن دیر
یانماقدا بیزی گؤرسن اگر ائتمه تعجب
اودلاره یاخان جانیمیزی نار وطن دیر
اؤزده نه قدر اولسا گؤزل یار یئنه سئومه
ایستکلی بیزیم سئوگیلیمیز یار وطن دیر
یؤز شکل و شمایل گؤره کونلوم هوس ائتمز
مفتون ائله ین کؤنلومو آثار وطن دیر
یار سینه می سئیر ائت ، دل سوزانیمه آمما
ال وورما کی او مخزن اسرار وطن دیر
عاشیق وطن عشقینده گئرک قانه بویانسین
آنلار بونو ، اونلار کی طرفدار وطن دیر
آذر ائلی اؤز یوردونو بیر لحظه اونوتماز
شاهید بونا قانلی در و دیوار وطن دیر
ستارخان آدیلا ، بو غزل آخره چاتدی
احسن ائله ستاره کی سردار وطن دیر
( بارز ) بو وطن شعری دی وئر باشه یورولما
چوخ یاز بو غزلدن کی سزاوار وطن دیر
شعراز:آقاي عباس بارز
موضوعات مرتبط: وطن ، غربت و غریبی
کؤنلوم یئنه بولبول کیمی شئیدای وطن دیر
مجنون ائده ن عاشیقلری لئیلای وطن دیر
یوزلرله گؤزل عاشیقی اولسام دا من آمما
قلبیم یئنه ده عاشیق سئودای وطن دیر
دونیایا گؤزللیک وئره ن البتته گونش دیر
اوندان دا گؤزل خلقه تجللای وطن دیر
قویماز بو مقددس یئره بیگانه توخونسون
هرکس کی صداقتلیدیرابنای وطن دیر
تعریف بئهئشت ائیله مه سین خلقیمه هئچ کس
جننت ده ، بئهئشت ده ، بیزه صحرای وطن دیر
واحید ائله ظن ائیله کی من یوسف عصرم
معشوقه منه عشق زولیخای وطن دیر
شعر:علي آقاواحد
موضوعات مرتبط: وطن ، علی آقا واحد شعرلری
عارف اولانین سئوگلی جانانی وطن دیر
هم ناموسی هم غیرتی وجدانی وطن دیر
هر کس وطنین سئومه سه اینسان دئیل آصلا
اینسان اولانین جسمی ده هم جانی وطن دیر
اؤلسم وطن اوغروندا بونا فخر ائدرم من
کؤنلوم نه زامان ایسته سه قربان وطن دیر
هر کیم سوروشا گر منیم عونوانیمی سیزدن!
او شخصه دئین "ییلدریم" عونوانی وطن دیر
موضوعات مرتبط: وطن
کونلوم نقدر ایستسه عنوانی وطن دیر
هم ناموسی هم غیرتی وجدانی وطن دیر
الهامی اوزاخ اولکدن آلماخ نیه لازم
ان باقلی گوزل باغچالی بستانی وطندیر
اوز دوغما آذربایجانما قوربان اولوم من
شاعری یتیرن اوغلو شهریار وطن دیر
چاغيرير ايندي بوتون ميلتي ايمدادا وطن.
دييشيلمز، آي اوغول، جنته دونيادا وطن.
بيزه مئيدان اوخويان بيلمه ليدير بير دفه ليك
نه ساتيلماز، نه وئريلمز بينه دن يادا وطن.
سينه آلتيندا گرك قلب كيمي هر آن دويونه،
يانا اولدوز كيمي هر سوزده، هر ايمضادا وطن.
وطن عشقيندن اوجالسين بوتون ايسكلريميز،
ياشاسين آرزودا، مقصدده، تمننادا وطن.
اولولار اويمادي وار- دولته، يالنيز دئديلر؛
ان بويوك بخشيشيميز بيزدن هر اوولادا ، وطن
موضوعات مرتبط: وطن
شعر:وورغون
موضوعات مرتبط: وطن ، غربت و غریبی
ماوي سما جوشغون دنيز،سئللرينه قوربان اؤلوم
آغ قيزيللي چؤللرين وار،صداقتلي ائللرين وار
خوش عطيرلي گوللرين وار،چؤللرينه قوربان اؤلوم
بركتلي تؤرپاغين وار،بالين ياغين قايماغين وار
آرازين وار يايلاغين وار،ائللرينه قوربان اؤلوم
ساوالانين سهندين وار،داغين داشين كمندين وار
ايگيت بئجرده ن اؤلكه ن وار،ائللرينه قوربان اؤلوم
بؤللو محصول نعمتلرين،تؤپراغينا قوربان اولوم
چشمه لرين وار سوناسي،گوللرينه قوربان اؤلوم
رشادتلي لشگرين وار،اصلان كيمي عسگرين وار
ستارخانين باقرخانين،باباخانين مقدسين
شيخ صفيلن شاه اسماعيل،بوغيرتلي ايگيدلرين
آتالارينا آنالارينا قوربان اؤلوم
شرقه غربه يؤخ مينّتين،اوجاليب شانين شهرتين
وورولموش سنه ميلّتين،وحدتينه قوربان اؤلوم
فخر ائلين بو اؤلكه يه،صنمي دوغان
گؤزل آناما قوربان اؤلوم
شعري يارادان:ملاحت پوركريمي(صنم)
عشقیم هوسیم نازلی نگاریم وطنیمدور
آلمیش منی آغوشه مرامیله بویوتمیش
جانیم جگریم خون و دیاریم وطنیمدور
آرام و قرار تربت ها را دوتمارام اصلا
آسوده لی گیم صبر و قراریم وطنیمدور
عومروم بویی یاد ایئله بو عکسیمه نشانی
عزمیم شرفیم شأن و وقاریم وطنیمدور
من خلقیمین اولادیم عالم بونی بیلسین
دوغرو ئوره گیم دولت و یاریم وطنیمدور
شاهد گورورم خلقه تیمین عالم و زکاوه
یوک سلمه دی بو شعر و شعاریم وطنیمدور
وورغون
موضوعات مرتبط: وطن
دلبريم، نازلي پريم، سئوملي ياريم وطنيم
سؤزلو صحبتلي گؤزه ل نغمه لي تاريم وطنيم
وطنين سئوميين اينسانه من اينسان دئمرم
عشقيم ايلقاريم آديم عزو ويقاريم وطنيم
اينسانين وارليغي دونياده آنا ديلدي، وطن
ائليم ، آرخام، داياغيم ، هايئم، هاواريم وطنيم
وطنين عشقي وئريبدير منه اينسانليق آدين
بولبولوم باغدا گولوم شانلي باهاريم وطنيم
وطني اولميان اينسانلارين اولماز قلَمي
من آذربايجانيما، توركي ديله عشق ائديرم
ؤز آچاندان دئييرم وارليغا واريم وطنيم
وطنيم آتما مني، ساخلا قوجاغيندا قونا
صوندا آرزيمدير، اولا سنده مزاريم وطنيم
«ساوالان قارتالييام» سن منه وئردين قانادي
ديلده بال تك سؤزولَن شعرو شعاريم وطنيم !
شاعير:آقاي درويش
موضوعات مرتبط: وطن
وطنین وارلیغینا باغلیدی جان ساغلیغیمیز
قایئدیر توپراقا دونیا اوزو اوزآغلیغیمیز
وطنیم اولماسا كیم آنلئیاجاق كیم لیگیمی
وطنیم واردی ائلیم واردی دیلیم واردی منیم
وطنیم سانكی بئشیكدی بیز اونا املیك اوشاق
گوجلو بیر زنجیره بنزر قیرا بیلمز اونو یئل
من وطن اولادیام تا وطنیم واردی وارام
شرف و غیرتیمیز واردی یقین ساتمامیشیق
آلا بیلمئز بیری بیزدن وطنین ایسته گینی
وطنین قیمتین آنلا سونرا گئز تورپاقینی
بو ایگیدلر قانین قایناغیدی گئچمه تانی
دوشمنین دائم ایتیلدیر چوروین دیشلرینی
بیر نفر جورأت ائده نمز بو یئره ایری باخا
آغاجین ریشه سی طوفان دا قوپارسا دایانار
آیازین شعری وطن وصفینه میندن بیری دی
شعر از : حسن رحمانی
موضوعات مرتبط: وطن
سرزمین قوم باایماندی آذربایجان
افتخار و عزّت ایراندی آذربایجان
قوی مخاطب ایلیوم اؤز یوردومی، اؤز اؤلکه می
قوی دئیوم جانیم سنه قرباندی آذربایجان
بیر اووج توپراقوی دنیاییلن ائتمم عوض
گر عوض ائتسم بویوک خسراندی آذربایجان
عرش اعلایه شرفده باش اوجالدوب داغلارون
سرفراز دورۀ دوراندی آذربایجان
یاز گلنده چؤللرونده گول چیچک موج ایلیر
لاله لردن قیرمیزی الواندی آذربایجان
«جنّتٌ تجرینی» الله سنده تصویره چکوب
بسکی انهارون سنون جوشاندی آذربایجان
قهرمانلار بسلیوبسن آدلی سانلی دهریده
مرحبا اوغلانلارون اصلاندی آذربایجان!
سنده ظلمه باش اگنلر خوار اولار دنیا بویی
تابع اولماق ظالمه، عصیاندی آذربایجان
سنده عصمت درسین اؤرگتدی سارایلار عالمه
ایندیده سئللر اونا حیراندی آذربایجان
ائللرون ائللرده باشدی، یللرون یللرده باش
باخموشام تاریخه من طوفاندی آذربایجان
بو تشیّع مذهبی رسمیّتین سندن تاپوب
ایندی بو مطلب کیمه پنهاندی آذربایجان
«یا علی» دوشمز دیلیمدن من قیزیلباش اوغلویام
شاهیم عالمده شه مرداندی آذربایجان
هر یئرینده عالمین اولسامدا گؤزلر سندهدی
آیریلیقدان بو اورک القاندی آذربایجان
غربت ائلده خسته جانم جان دوداقیمده «حبیب[1]»
ازبریم بو سؤزدی هر آن جاندی آذربایجان
شاعر:حبيب
موضوعات مرتبط: آذربایجان
گئـچیب جـاندان اؤز ائلیـنه جـان وئره ن
بابکم من آذربـایجــان اوغلویـام
آنـا یوردا اوره کدن عئشق بسلــه یه ن
بـابکم من آذربـایجــان اوغلویـام
ایللــر بـویـو، جـللاد بـوینـو بـورمـوشام
سینـه گـریب دوشمـه نیمـی یورموشام
ائللریمیــن خیدمتینــده دورمـوشــام
بـابکم من آذربـایجــان اوغلویـام
بـاغلی قوللا معتصــم'دن قــورخمــادیم
اؤلوم گلدی من سؤزومدن چـیخمادیم
آل قانیمی مه یر اوزه یـاخمادیم
بـابکم من آذربـایجــان اوغلویـام
تـاریخیمی آل قــانیمــلا یــازمیشــام
قودوزلارا دریــن قـبیر قــازمیشـام
کیم دئییری من یولومو آزمیشام
بابکم من آذربـایجــان اوغلویـام
هوندور داغـام سئللــر منــی ییخـمادی
دوشمنیم ده اوزومه خــور بـاخمادی
آخدی قانیم گؤز یاشلاریم آخمادی
بـابکم من آذربـایجــان اوغلویـام
سینمــده بیر یـانـار اود وار سـؤنولمـه ز
شرف یولو گئده ن یـولچو دؤنولمه ز
محببتیم ائللریمدن اوزولمـــه ز
بـاشـی اوجـــا آذربـایجـــان اوغلویـام
قودرتیمی اؤز ائلیمدن آلمیشــام
چـراغ اولـوب قــارانلیقــدا یــانمیشــام
ظفـر مارشی وطنیمده چالمیشـام
بابکم من آذربـایجـان اوغلویـام
ایران بـدن آذربـایجان جـانیمدیر
تورکو دیلـی دامارلاردا قــانیمدیر
بورا منه وطنیمــدیــر شانیمــدیـر
بـابکم من آذربـایجــان اوغلویـام
شاعر: جناب عبدالرضا نورپور
موضوعات مرتبط: آذربایجان
وورغونام هردم منه دلبردير آذربايجانيم
قارتالام اوچماغيما شهپردير آذربايجانيم
عشقيمي ساخلار ديري اؤلمَز مقدس عشقيمي
هرنَفَس بو سينمه سنگرديرآذربايجانيم
بوآنا تورپاغيما قورباندي شيرين جانيمي
عشقيمه ايلقاريما باوردير آذربايجانيم
بيرليگين دونياسيدير عشق عالمينده نورساچير
تاخماغا ظاليم گؤزه خنجردير آذربايجانيم
بيزگؤزه ليك باغي نين عالمده حق باغبانييق
يانديررار چيركينليگي آذردير آذربايجانيم
آيريليق، حسرت بيزيمده سينه ميزده كوك ساليب
گؤزياشيندا گيزله نن گوهردير آذربايجانيم
سيملره هر زخمه چالديغجا آچيرشهرت بيزه
توركه وارليق بسله نن ، جوهردير آذربايجانيم
طوطيِ طبعيم گليرآوازه هند ، و چينيده
طبعيمين شاه شعرينه شَكردير آذربايجانيم
شهرتي شيرين ديلي عالملري تأسخير ائديب
ديللرينده، ائللرين ازبردير آذربايجانيم
بيربهشتين باغيدير گويدن يئره سالميش نَفَس
گول دوداغلاردان سؤزن كوثردير آذربايجانيم
پادشاه اولسامدا من بواؤلكه نين «درويشييم »
عشق الفباسين يازام دفتردير آذربايجانيم !
شعر:رحيم اسداللهي،درويش
موضوعات مرتبط: آذربایجان
آنا یوردوم منه شان و شرفدیر،
فخر ائده رم دوغما وطن ایرانا.
: "باقر خان"لار، "ستارخان"لار اوغلویام،
جان دئمیشم قوربان آذربایجانا.
بو توپراقدان سوموک ـ ایلیک ، جوهریم،
هر قاریشی ظولمه قارشی سنگریم،
"حُبّ الوطن" ازل گوندن ازبریم،
گووه نه رم بو ایلقارا ـ ایمانا.
من قارتالام، زیروه لردن دوشمه نم،
دارلیق سئوه ن بایقوشلارا دوشمنم،
باشدان کئچیب وطنیمدن کئچمه نم،
باش اگمه رم اجنبی یه ـ دوشمانا.
آند ایچمیشیک گؤیدن گلن قورآنا،
خطر چاغی قان سوووراق میدانا،
سگگیز ایل دایاندیق مرد ـ مردانا،
ظفر چالدیق عجب بؤیوک شیطانا!
"جعفري"یم سؤز بحرینده اوزه رم،
اینجی تاپیب "ساري تئل"ه دوزه رم،
مضراب اولوب تئل اوستونده گزه رم،
اهل ایسته رم سؤز قاندیرا، سؤز قانا.
يارادان :استادجعفري
/**/
واریم یوخوم سنه قوربان
آنا یوردوم آذربایجان
یوخ دِمَرم آغیز آچسان
جانا یوردوم آذربایجان
سنده ویجدانلار اویانیب
شوهرتین عرشه دایانیب
یولوندا بابک بویانیب
قانا یوردوم آذربایجان
مَرده نامرد ،پایی گَلمَز
هر تپه نین چایی گلمز
قوچاقلارین سایی گلمز
سانا یوردوم آذربایجان
اسرافیله جاندان عزیز
دوغما یوردوم آنا تبریز
طوفان گونی اولار دنیز
خانا یوردوم آذربایجان
من بير اوشاق ، سن بير آنا
او دور كي باغلي يام سانا
هانسي سمته هانسي يانا
هئي اوچام دا يووام سن سن
ائليم گولوم اوبام سن سن
---------------------
داغلاري نين باشي قاردير
آغ اؤرپه يين بولودلار دير
بؤيوك بير كئچميشين واردير
بيلينمه يير ياشين سنين
نه لر چكميش باشين سنين
---------------------
سيرا داغلار گئن بره لر
اوره ك آچان منظره لر
جئيران قاچار جويور مه لر
نه چوخدور اويلاغين سنين
آرانين يايلاغين سنين.
ياردان:صمد وروغون
آدیم سانیم ,ویقاریمسان,
آنا یوردوم آذربایجــــــــــــان !
گول چیچکــلی دیاریمسان
آنا یوردوم آذربایجــــــــــــان !
******************
حیـــــــــــــاتا گوز آچاندا من
باخیب گولدون اوزومه سن
دیل آچینجـــــــا دئدیم وطن
آنا یوردوم آذربایجــــــــــــان !
******************
قارانلیقلار چوءکـــــدو سنه
بو روروندونسه دومان چنه
یاشاییرســان یئنه, یئنه .
آنا یوردوم آذربایجــــــــــــان !
******************
اوز آنامـــــدان اویرندیم دیل
کئچمیشی وار مینلرجه ایل
سن آچیبسان گونشه یول
آنا یوردوم آذربایجــــــــــــان !
******************
آخیر سوزوم بودور منــــــیم
یاشا یاشــــــا اوز وطــــــنیم
سنه قوربان منیم جانــــــیم
آنا یوردوم آذربایجــــــــــــان !
عاشیق جنون
بیر اوشاغام، آنام ســـن ســــن
خسته اولسام، داوام سن سن
آغاج اولسام،هاوام ســــن سن
اورک ائــــویم سنســـیز تــــالان
آنا یوردوم، آذربایجان
جئیران اولسام ، سن داغیمسان
بولبول اولسام،سن باغیمســــان
سونبول اولسام،تورپاغیمـــــسان
ســــرین سولار،سندن آخـــــان
آنا یوردوم آذربایجان
آغ بـــــــولوتلار، یور قانیندی
مـــــرد اوغوللار قوربانیـندی
یول گورسدن ، قورآنینـــدی
دوشمن لری ، درده سالان
آنا یوردوم آذربایجان
من آرازام ، ســن خزرسن
آغیزلاردا، چوخ گـــــزرسـن
هر آفت دن ، بر حذر سـن
قار-یاغیشلار ، سنه یاغان
آنا یوردوم ، آذربایجان
قول-قانادیم ، هوسیم سن
یورولمایان ، نفسیم ســـن
من اوره یم ، قفسیم سن
منه دایاق ، کومــک دوران
آنا یوردوم ، آذربایجان
من قوش اولسام ، سن پریم سن
زرگـــــر اولسام ، ســـن زریم سن
عاشیق اولسام ، دیل بریم ســـن
عاشیق لری ، ســــای سیز اولان
آنا یوردوم ، آذربایجان
گوزَللــــــرین ، گوزَلی ســـن
داد لی-دوزلـــو مزه لی سن
شاعیرین شعر ، غزلی سن
آدین سنـین ، دیلــــده قالان
آنا یوردوم ، آذربایجان
آنا یوردوم ، آذربایجان
موضوعات مرتبط: آذربایجان
قوربان ائیلییه ره م وطنه جانی
یاشاسین دئییره م آذربایجانی
ای گؤزوم ایشیغی ای قارا گیله م
سنی من سئویره م داهی نه دییه م
عشقینی ئوره کدن سیلدیره نمیره م
جنت ائیله میسن منه دونیانی
یاشاسین دئییره م آذربایجانی
باغریما باسیرام آنا یوردومو
اونوتمام دئییره م دَدَقور قودو
بودور آی ائللریم سؤزومون سونو
قوچاخلار یوردودو شئرلر مکانی
یاشاسین دئییره م آذربایجانی
سنی قوشلار اُخور دورنالار دئییر
خان چوبان سسینده سارالار دئییر
بابکین تیکدیگی قالالار دئییر
شرف وئریب سنه ستار خان قانی
هایانا باخیسان گولدور چیچک دیر
گوزل دورنالارین سانکی ملک دیر
واللاه آذر ائلی دونیادا تک دیر
یاشاسین دئییره م آذربایجانی
چنگیز جعفری
موضوعات مرتبط: آذربایجان
اوچور ایلهامیم او قوشلار کیمی کی
یاز وعده سینده
قووزانیر ماوی گؤیه تا اوجا باش بیر داغا قونسون
کؤرپه قارتال کیمی دیر
گاه چکیلیر گوزده ن ایتینجه ک
اگ له نیر گاه ساوالان عشقینه – آغدان – آغا قونسون
هر اوجا داغ کی گؤرورسن باشی قاردلا آغاراندی
اورا بیل کی ساوالاندی
آمما یوخ !
هر اوجا داغ سسیمی السا دا تئز قئیته ره جکدی
سسی قئیته رمک همان یئل بیله جکدی
آخی یئل یولچودو گئتگین اوکی سؤز ساخلایا بیلمز
یئل سؤزو قاپدی قاچیردار اونو کیم هاخلایابیلمز
یئل گئدرگیندی پیچیللارسؤزوکوللار قولاغیندا
سؤزو قربان ائله یر قیرنادا قانقال آیاغیندا
چئویره ر سؤز چاناغیندا
جالایارداغلارا هر بیر سؤزو مین سؤز تؤره دندی
بیلمیرم سیرری ندندی
یئل گئده ر گیندی یئلی ساخلاماق اولماز
یئله بئل باغلاماق اولماز
آمما سن ای سؤزو سینه نده کؤزردن ساوالانیم
کیم گله صدقله زرتشت بئجردن ساوالانیم
ائلیمین شانلی داغی باشیوه مین لرجه دولانیم
اریدیب ائل غمی بیر یول سنی کؤکدن ده تالانسان
سئل اولوب قانلی دنیز لر کیمی دونیایه جالانسان
آدی دیللرده قالاناسان
ساوالانسان ، ساوالانسان
ساوالان ائل غمینی بللی دی ساخلار سینه سینده
سینه سی کؤزدو آلودور گیزیریک اینسی سی واردیر نفسینده
شاعرین غملی سه سینده آلگیلان ساخلاسن ای ائل داغی غملی قفسینده
ساوالان آلسادا هر سیرری سؤزو داغلارا سالماز
گؤره نامرد دوروبدور ساوالاندان سس اوجالماز
ساوالاندا تؤکولن داشلاری دیندیر دانیشاللار
سالسا عاشیق نفسین کوللارا آلیشاللار
ده ده قورقود سازی چالسا
دلی دومرول باش اوجالدار
بلی البته کی یولداش باشینی یولداش اوجالدار
سسله عاشیق سازی چالسین
سسی میز بیرده اوجالسین
اویناماق لیز گی یه دؤنسون
کاس شوشه م گوزگویه دؤنسون
قوی وئره ک سس سسه باهم اوخویاق بیر ده کوراوغلو دلی سیندن
هجرین قوچ نبی سیندن
اوکی ظالیملری مظلولارین اوستونده ازه ردی
او کی آسلان کیمی داغلاردا یاتیب باغدا گزه ردی
اوخو عاشق اوخو
سن بیل او کی تانری تانییبسان
سؤزومه دوز جالییبسان
سوموگوم قوی سازا گلسین
بولبولوم آوازا گلسین
یازمیشام ایوازا گلسین
گوچ آلاق قوی دلی لردن
باج آلاق اجنبی لردن
او کی بیلمیر نبی کیمدیر قویون آذر ائلینی مسخره سانسین
بیر عؤمور دورکی فضولی نی – نسیمی نی دانیب ایندی ده دانسین
شهریار تک سن اوجالت باشیوی قوی عرشه دایانسین
قوی باخار کور تر ایچینده جوموبان اؤلسون – اوتانسین
اوکی آخساخدی یوبانسین
اوکی تورکون دیلین اسگیتمه گه تصویره سالیبدیر
اوکی تورکون بالاسین ایندی ده آشغالچی سانیبدیر
او تفاله بیلیرم فیکیرینی طاغوتدان آ لیبدیر
او رژیمدندی قالیبدیر
یوخسا تورکون بالاسیندا نچیخیب علامه ی دوران
اونا دونیا باش ا ییر فلسفه ده
بیر جه نه ایران
قوی دئییم شهریاریمدان
"نیسگیل او چرچی یه قالسین کی جواهر نه دی ، قانمیر"
فیکری آللاتما دادیر خالقی ،ائلین حالینه یانمیر
اریمیر ، اؤلمور ، اوتانمیر
آخی ای قاردا ، دوماندا باش اوجالدان ساوالانیم
غمی ، دونیا نی قوجالدان ساوالانیم
ائل بیلیر داغلار آرا هراوجا داغلار باشی سن سن
وئرسهنده الیوی قارداشیوین سیر داشی سن سن
وئر گیلن بیر لیک الین بیرده دماونده اونون یولداشی سن سن
اوندان آیریلما آماندی
یولوموز چندی دوماندی
قوی ایگیدلر سیزه فخر ائیله ییبن باشان اوجالتسین
قویما قارتال دولانان یئر لره قوز غون الی چاتسین
ساوالان چنلی چاغیندا
منیم ایلهامیم اولارکن
کؤنلوم اؤز سرری سؤزون صدق ایله سؤیلر ساوالانه
ساوالان کؤز قالادار شاعر اولانلار سینه سینده
اوردا زرتشت گئیب تانریدان ایلهامین آلانه
اگیرم باش ساوالانه ، اگیرم باش ساوالانه
شعر:استادجعفري
موضوعات مرتبط: سبلان (ساوالان )
عالم دونه جك جنت و رضوانه تلسمه
سيخما اوره گون اي دل غمديده كه الله
سامان ورجك بي سر وسامانه تلسمه
بي جا يره چرپنماوسرگشته دولانما
رونق ورجك حال پريشانه تلسمه
عمرون كه وفا قيلسااگرفصل بهاره
گل چتري توتان باشه گلستانه تلسمه
دوران جهان اولماساگروفق مرادون
غم غصّه يتوب چرخش دورانه تلسمه
مين نقشه قالوب پرده ي دنياده ازلدن
واقف دگوسن پرده ي پيمانه تلسمه
كشتي سوره نون نوح نبي دورنه هراسون
گئدمكدن اوتورساحل عمانه تلسمه
يولّار كه اوزاق اؤلموش وهرچند خطراتي
يوخدور اويولي يتميه پايانه تلسمه
احوال پريشانه خدا جور رقيبه
واقفدي ازلدن دل ديوانه تلسمه
مين خارمغيلان توتا هر لحظه اياقون
روحون گوزي گر گلسه ده افغانه تلسمه
اي طالب كعبه كه ياتيرسان تيكان اوسته
بير گون يته سن كعبه ي جانانه تلسمه
حافظ نه قدر هرگجه قرآن اوخويرسان
جنت دي يرون آند اولا ترانه تلسمه
بلبل كه تابون يوخدي بو هجران و فراقه
حسرت ده قالوب موسم بوستانه تلسمه
شعرحافظ
مترجم:طيب
موضوعات مرتبط: پندواندز ( نصیحت لر ) ، واقعیت ها (اولاجاق ) ، غربت و غریبی
الله بولوری قلبیده نه نیتی واردی
بیرگون گوروسن جبهه شیطانه طرفدی
بیر گون گوروسن شاه شهیدانه طرفدی
بیر گون گوروسن تابع اولوب کفر و نفاقه
بیر گون گوروسن قاره گئییب باشدان ایاقه
بیر گون گوروسن آجر آتیر کاخ یزیده
بیر گون گوروسن داش داشییر قبر شهیده
قیلمیر ایکی رکعت نامازین هفته به هفته
جمعه نامازیندا دایانیر اول صفده
انساندا کی مین رنگ اولا انسان دئماخ اولماز
مین رنگلی انسانه مسلمان دئماخ اولماز
لعنت گله بیر شخصه کی بنیان وجودی
ظاهرده مسلمان اولا باطنده یهودی
آه ای کی علی شیعه سیسن مین یولا گئتمه
شخصیتیوین دامنینی لککه لی ائتمه
تزویر ائلمه خلق پراکندیه خاطیر
الله گوره سعی ائله نه بندیه خاطیر
احسان وئریسن تا کی آدین دیللره دوشسون
داراییوین آوازه سی محفللره دوشسون
بیر کس بوله همسایه نین آذوقه سی کمدی
والله اونون احسانیده اسلامه ستمدی
تشریخ ائله انگیزه اخسان ندی سنده ؟
بو بخشش و بو بذل فراوان ندی سنده ؟
سعی ئیلییسن مهر حسین دونمیه قهره ؟
یا ثروتیوی گورسدیسن مردم شهره ؟
اما بونی بول یار اولان اغیاری بینمز
زهرا بالاسی شخص ریاکاری بینمز
یوز یول گئدسن مککیه گر پول ربادن
مین یول دولانیب یول سالاسان مروه صفادن
احرامی اگر قامتیوه باغلیاسان سن
یوز دفعه بقیعده اوتوروب آغلیاسان سن
چون قلبیوه نور عملین تابشی یوخدی
واللهی او حججین توکو جان ارزشی یوخدی
فانوسه نه حاجت او زامان کی گونوز اولسا
انسان اوزی بیر کعبه دی اعمالی دوز اولسا
هر قلب کی پاک اولسا اوزی قبله نمادی
بیر نیمه سی مروه او بیری نیمه صفادی
هر قلبیده آئینه کیمین اولماسا لککه
شعر:ناصح زنجاني
موضوعات مرتبط: پندواندز ( نصیحت لر ) ، واقعیت ها (اولاجاق )
اللهم عجّل لوليّك الفرج
حسرت یاش اولوب، گؤزلره دولماقدادی، دای گل
گؤز یاشلاری آخماقدا، سئل اولماقدادی، دای گل
هجران تورو دونیانی قفس تک بورویوبدور
دونیا کیمی باغریم دا دارالماقدادی، دای گل
هجرینده کئچن لحظه لری یانقیلی ساز تک
قم پنجهسی، آه نغمهسی چالماقدادی، دای گل
سنسیزلیگه دؤزمک نه سایاق مۆمکۆن اولارمیش
دؤزدوم، دؤزوموم جانیمی آلماقدادی، دای گل
گل قوی گونشین بایداسی دونیایه جالانسین
باغریمدا قارانلیق ایزی قالماقدادی ، دای گل
سال داغلارا های، گؤیده بولوتلار دیله گلسین
یارپاق کیمی وارلیق بویو سولماقدادی، دای گل
یاتماز، یولونو گؤزلریم اولدوز کیمی گؤزلهر
گؤزلر کؤکو حسرتله سارالماقدادی، دای گل
هر گون سحر آددیملاریوین ماهنیسین ایزلهر
آچمیش سحرین باغری قارالماقدادی، دای گل
شعر:سحر
بیر عده دیور میر زمان دورانا گلسین
باطندده هرکاره دی ظاهردده عاشق
ای مدعی بسدور دمه کذبون سانا گلسین
حاشا بو حسین کوفیه مهمان گله گلمز
جر ناموی سلطان زمان هذیانا گلسین
گلدی آتا سی شهروزه مهمان به نه گلدی
سوز ذبح الدوز باشینی اوغلی اوناگلسین
شاما تیده گزدیردوز اونون باشینی نیده
ایستیسوزاونون اوغلی شب هجرانا گلسین
چوخ ایستدیگی زینبیدی چوللره سالدوز
گلسین اورگی ظلم و ستمدن قانا گلسین
دوزدوربو حسین ایستمسوکده گله جکدور
دینارو زر اوستونده دوشن طوفانا گلسین
بیر عده حسینون قانینا تشنه دی گلسه
مهدی دینی بر باده ویرن انسانا گلسین
والله چوخی خولیدی چوخی حرمله مثلی
گلسین آقامیز حرمله لردن جانا گلسین
آگهدی هامی حرمله یاندیردی جهانی
سعی ایت آقامیز نار دل سوزانا گلسین
بیچاره ربابون گلی جان ویردی عطشدن
چوخ یلدی شش ماهه سی بلکه جاناگلسین
عطشان بالانی گتدی حسین بلکه سوآلسون
گورکتدی باخیب کوفلیلر وجدانا گلسین
سعد اوغلی گوریب آنیده شدادی چاغیردی
سسلندی بو جیرانی ورون جولانا گلسین
اوچ شعبه لی اوخ چیخدی چکیلجک چله سیندن
قان توکدی او میدانه گورن افغانا گلسین
اول صحنه نی معناده گوریب عصرین امامی
حاشا گله گلسین تلیه زندانا گلسین
اعلانداکی اعلاندی او مهدی گنه آغلار
شش ماهیه رحم ایلمین پیکانا گلسین
دعوت الیب کوفلیلر ساتدی حسینی
مهدی هامی جاناردا گزن شیطانا گلسین
هر کیم نه دیور دلده یالاناندی یالانان
نرگس گولی ظاهرده قالان قرآنا گلسین
بیداد،هارای مهدی زهرا هارا گلسین
انصافه گلک بلکه آقا ایرانا گلسین
ظاهرده مسلمان چوخی باطنده بتردور
مهدی هارا گلسین اینه گلسین آنا گلسین
دنیا مالی اوستونده بشر قان الیورسن
گلمز دیوسن دردسره حرمانا گلسین
قارون اولاسان گیتملیسن کیمدی قالانار
آخر اویانون خواب جهالت سونا گلسین
سن کی دیوسن حیدری ام شاهیم علیدور
یوخچولاری دعوت الدون احسانا گلسین
ال دوتماق علیدندی بوگفتاری بیلورسن
اوغلی او فلاکتده قالان طفلانا گلسین
نه خمس ویرورسن نه ذکاتونده خبروار
مهدی دینین اوستونده دوشن طغیاناگلسین
سن فکرایدوسن پرده غیبتده دی گورمور
اللرده میه میکدیه عصیانا گلسین
ای دل سنه فانیدی بو دنیانی یاپیشما
عصیاناری کم وزن الیک میزانا گلسین
فرش ایلیگون یولاری هریرگوزل اولسون
مهدی بیزیم ایراندا اولان کنعانا گلسین
یامهدی اوزون لطف اله هانی سنی گورسون
ذهنینده گوزل مثنوی لر جریانا گلسین
التماس دعا : هانی اردبیلی
هـارداسان صاحب زمان گل مست جانان اولموشام
قـــهر، کـنــعانی قـاراتمش گل اورک قان اولموشام
عـالم مـستانه لیک اهــلیــلــــه مـن اولدوم تـانـش
انـــتـظارین هی چـکیب من عاشق جـان اولمـوشام
قالانين ادامه ي مطلبده اؤخويين
ادامه مطلب
باخیرام یوللارا یاریم گله جک
او گوزل شانلی باهاریم گله جک
گولو ریحاندی نیگاریم گوزه لیم
گوزلورم جیلوه لی یاریم گله جک
اول گونش یوزلو حبیبیم دی منیم
بیلیرم لیل و نهاریم گله جک
آچیل ای صبح وصالیم نه اولار
صبریم، آرام و قراریم گله جک
آغلا، قان یوللارا باخ حسذتیله
حسرت بو دل زاریم گله جک
گولومون عطری گلیر، گلدی صبا
دیلبریم سئوگیلی یاریم گله جک
گوزوم هجرینده قان اغلار گوزه لیم
سئویرم چشم خماریم گله جک
«بی قرارین» گوزونون چشمه لری
هئی دئییر باغ و بهاریم گله جک
شاعر:حسن قلی پور
موضوعات مرتبط: عاشیق لار شعری ، غربت و غریبی