کلبه ی شعر
هدف مانشر اشعار شاعراني است كه به زبان ترکی آذری شعر سروده اند و از اشعار فارسی نیزبهره خواهیم برد

 
تاريخ : یکشنبه ششم اسفند 1391

/**/

قرمز گیونن لالۀ الواندی تراختور
داغلاردان آشان رُعبلی طوفاندی تراختور

همّت اثرینده باج آلار داغ دره لردن
اصلان کیمی ظلمتده گیچر داش قیه لردن
هر بیر باخیشی طاقت آلار شپّره لردن


به به ایله بول آذری اوغلاندی تراختور
قرمز گیونن لالۀ الواندی تراختور


بیردن گوروسن چالخالادی وریانی یخدی
بیر گون گوروسن داغ داشی وُردی باشا چخدی
بیر یول گوروسن چنگلدی چلسینی سیخدی


قویدی ایاق آلتدا اوزی قوزاندی تراختور
قرمز گیونن لالۀ الواندی تراختور


دورماز قاباقیندا تیکان اولسا نیجه زوغلی
وار قدرتی هر یرده یاروب گیچمه دی شغلی
سسلنسه دیرسن که چکور نعره کوراوغلی


غیرت داماریندا دولانان قاندی تراختور
قرمز گیونن لالۀ الواندی تراختور


کهلیک دولانار باشینا هاردا بولاق اولسا
قویماز دره دن اُو قاچا اُوچی اُیاق اولسا
اِیللر یغیشوب ال اله ویرسه دایاق اولسا


اوندا گوره جاقسان هارا دیرماندی تراختور
قرمز گیونن لالۀ الواندی تراختور


فرمایش ایدوب رهبر آزادۀ ایران
ایران بیز اوچون جاندی اونا باشدی بو استان
قویما بو باشی تفرقه آیری سالا جاندان


گور اوندا نیجه فاتح میداندی تراختور
قرمز گیونن لالۀ الواندی تراختور


شاعر:کریم نصیری



ارسال توسط علي عليش پور

اسلایدر